某一個晚上，在一次樂樂和媽咪的例行 pillow talk 中，令媽咪忽然發覺懷中的３歲囡囡在不知不覺中已長大了很多，這段 pillow talk 是這樣的：

樂樂：「媽媽，你老咗之後係咪會好似婆婆咁架！」
媽媽：「係呀！」
樂樂：「咁爹地係咪會好似公公咁架！」
媽媽：「係呀！」
樂樂：「咁你哋好老好老好老之後係咪會去天父伯伯度o架！」
媽媽：「係呀！係人好老之後都會去天父伯伯度o架！」
樂樂：「係咪好似咁呀！」
媽媽：「係呀！」

就在此時，樂樂無再出聲，攬住佢o既媽咪以為佢瞓咗。誰知望一望佢，竟發現樂樂哭了。於是媽咪即刻問佢係咪唔舒服，樂樂攬住媽咪，哭着說：「如果你哋去晒天父伯伯度，阿然咪見唔到你哋，冇人陪阿然囉！媽咪，你哋唔好去天父伯伯度啦！我好鍾意你哋架！」

媽咪聽後才驚覺剛才的pillow talk並不是亂說一通的廢話，樂樂問的全都是有思考過的！這一刻，樂樂媽咪除咗好大力咁攬實樂樂同安撫外，同時亦好似樂樂咁哭了起來。但這些淚不是悲傷的，是感恩的。因為媽咪知道「愛」在樂樂心中已開始存在，而這一點亦是樂樂父母想她知道的。

感謝主，感謝你除了賜她平安和歡樂外，亦令她知道甚麼是愛！再一次感謝你！